Domingo R. Teijeiro presenta o seu libro Presos e prisións na Galicia de Guerra e Posguerra (1936-1945)

O próximo xoves 1 de decembro de 2011, ás 20:30h na Capitanía Marítima de Baiona (r/ Elduayen, 20, 1º andar) continua o ciclo “75 anos despois” coa presenza do historiador Domingo Rodríguez Teijeiro que presentará o seu libro Presos e prisións na Galicia de Guerra e Posguerra (1936-1945).

Domingo Rodríguez Teijeiro (Doutor en Historia, profesor de Historia Contemporánea na U. Vigo) achéganos a súa investigación sobre os cárceres en Galicia nos primeiros anos da ditadura franquista desenvolvida a partir da documentación dos centros de reclusión e de fontes de carácter lexislativo, militar e estatístico, ademais da importante memoria dos presos.

Domingo Rodríguez Teijeiro é autor de máis de cincuenta traballos, entre os que cómpre salientar Historia de Ourense (coautor, 1996) e Longa noite de pedra no Mosteiro de San Salvador. Represión e reclusión en Celanova, 1936-1943 (1998).

Lembrar que no Val Miñor houbo dous destes cárceres. Un de grande dimensións que foi o campo de Concentración do Mosteiro de Santa María de Oia e o Campo de Traballo de Monteferro.

Poden ler unha entrevista co autor: preme aquí.

E informarse sobre a obra en: preme aquí.