Inscricións para participar na homenaxe ás vítimas do franquismo na Illa de San Simón.
Como todos os anos nestas datas Iniciativa Galega pola Memoria organiza o acto nacional de homenaxe ás vítimas do franquismo na Illa de San Simón. Este ano será o domingo 19 de xullo e terá como núcleo central da cerimonia o recordo para todos aqueles que deberon emigrar ou exiliarse por mor da represión da ditadura.
Como sabedes, para participar é necesario inscribirse previamente para coordinar as prazas dispoñibles nos barcos que fan o cruce á illa ese día. Os amigos e amigas do IEM que estean interesados en participar deben dirixir unha solicitude ao correo oficina @minhor.org . A data límite en principio é o martes 7 de xullo. Coma todos os anos, as persoas que participen da homenaxe deben trasladarse por medios propios até o porto.
En principio -falta a definitiva confirmación-, o barco sairá do porto de San Adrián de Cobres (Vilaboa) en catro quendas:
Saída do 1º barco .- 09,45 h.
Saída do 2º.barco – 10,10 h.
Saída do 3º barco – 10,35 h.
Saída do 4º barco – 11,00 h.
Nos vindeiros días, e segundo a cantidade de participantes inscritos a organización confirmará o horario de embarque que corresponda ao IEM. De momento sabemos que o acto central na illa sería ás 12,00 horas e o regreso faríase a partir das 13:00 h.
