O próximo martes 10 de maio, as 20h na Aula de Cultura “Ponte de Rosas” sede do IEM, o xornalista Iago Martínez, que entre outras redaccións traballou na de O Miñor con Nano Cambeiro e na actualidade é xefe de Cultura de Xornal de Galicia, presentará o seu libro Lois Pereiro. Vida e obra (Xerais) e o guionista e director Alexandre Cancelo falará do documental Contra a morte. Unha aproximación a Lois Pereiro que escribiu e dirixiu xunto a Iago Martínez.
“
Has albiscar, amigo lector, ao rematar este limiar, a vibrante e aflixida voz do artista baionés Caíno Vasconcellos”, así comeza a presentación que o mozo poeta Anxo Ratel fai de As portas ausentes, o primeiro poemario de Caino. Ao longo de 127 páxinas, os versos e debuxos de Caino crean un universo onde a exquisita sensibilidade que o autor nos ten acostumados atopar na súa pintura, agora se amosa na obra poética.As portas ausentes, vaia presentarse o próximo xoves 28 de abril ás 20:30 horas na Capitanía Marítiama de Baiona (Elduayen, 20). O poemario está editado polo Instituto de Estudos Miñoranos dentro da súa colección Letras da Groba. No acto intervirán ademais do autor, o director do IEM, Carlos Méixome, e o poeta Anxo Ratel ademais de varios veciños e veciñas de Baiona que recitan textos do libro de Caino Vasconcellos.
O Concello de Gondomar convoca a unha nova edición do Certame Literario Conde de Gondomar, dirixido a mozos e mozas do Val Miñor, que conta coa asesoría do Instituto de Estudos Miñoranos. Agradecemos a toda axuda encamiñada a animar a …
Venres 25 de xuño
Ás 20:30h. na Aula de Cultura Ponte de Rosas (Avda. da Feira, 10, baixo, Gondomar)
Presentación de As colareiras do Grove de Patricia Arias Chachero e Antón Mascato García
Interveñen: os autores, Miguel Muñiz (director da Editorial todogrove) e Serafín e Enrique Lorenzo propietario de Nacamar de Sabarís
Venres 18 de xuño.
Ás 20:30h. na Aula de Cultura Ponte de Rosas (Avda. da Feira, 10, baixo, Gondomar)
Presentación do libro Catálogo Tipolóxico do Conto Galego de Tradición Oral. Clasificación, antoloxía e bibliografía da profesora Camiño Noia Campos.
Presenta: Xosé Ramón Mariño Ferro. Profesor titular de Antropoloxía Cultural da Universidade Santiago de Compostela
O próximo mércores 12 de maio ás 20:30h. na Aula de Cultura “Ponte de Rosas” (Avda. da Feira 10, baixo, Gondomar) terá lugar a presentación de “Máis vidas”, último libro de Xosé Vázquez Pintor, editado por Edicións Espiral Maior, no que se inclúe unha serie de crónicas de vidas estremas, cunha prosa de alta tensión e gran beleza literaria, culminación dunha traxectoria narrativa intensa, unha das mais importantes en lingua galega do ultimo decenio.
O próximo venres, 26 de marzo de 1010, ás 20:30h. na Aula de Cultura Ponte de Rosas (Avda. da Feira, 10 baixo, Gondomar), organizado polo Instituto de Estudos Miñoranos terá lugar a presentación da versión galega de “As flores do mal” de Baudelaire, que realizou o profesor de Filoloxía da Universidade de Vigo e membro da Xunta de Goberno do IEM, Gonzalo Navaza Blanco