A grande obra de Álvaro Cunqueiro espallada en diversas revistas, xornais e outras publicación estará dispoñible na súa case totalidade nos próximos anos, informounos César Cunqueiro, durante o coloquio titulado “Álvaro Cunqueiro e a metafísica do instante”. Unha achega que se constituirá como un gran diario persoal do autor, ademais de fornecer a biblioteca dos seguidores do escritor de Mondoñedo, dos seus estudosos e críticos.
O vindeiro venres 28 de decembro visitarannos Brais Xosé Currás Refoxos (licenciado en Xeografía e Historia pola USC)co xeito de ofrecer unha charla sobre o funcionamento das antigas explotacións mineiras a ceo aberto. Nomeadamente, Currás falará co equipo de investigadores do IEM sobre as características das minas de ouro espalladas na serra da Groba as que se están a pescudar co motivo do noso proxecto “Serra da Groba, Serra do Ouro” a desenvolver no 2013. O coloquio terá lugar ás 12 horas na Aula de Cultura Ponte de Rosas (Avenida da Feira Nº10, baixo, Gondomar) e poderán participar tódalas persoas interesadas no tema.
A Comunidade de Montes de Couso -coa que o IEM ten asinado un convenio de colaboración– organiza este vindeiro sábado 24 de novembro unha Xornada Micolóxica . A mesma comezará ás 11 hora na casa veciñal, cun faladoiro que dará …
En tempo de “vacas fracas” optimizar os nosos recursos no traballo, a empresa, os estudos e ata a propia vida doméstica son de abondo importantes. Unha vez máis o enxeñeiro industrial, Jesús Fernández Alonso (IEM), especialista no método Lean Manufacturing brindará un faladoiro co xeito de nos axudar nese obxectivo. O tema estará centrado no módulo Cambio de utillaxe “Setups”, unha ferramenta para axilizar e facer máis efectivo o noso labor en tempos de cambio. A conferencia terá lugar na Aula de Cultura Ponte de Rosas o vindeiro venres 23 de novembro ás 20:30 horas e contará cunha presentación-introdución a cargo de Xosé Antonio Vilán Vilán, Vicerreitor de Transferencia do Coñecemento da Universidade de Vigo.
En Galicia xa “non se sabe tocar as campás” e tampouco “se entenden” , reflexionou Xosé Luis Barreiro Rivas, director autonómico da Universidad Internacional Menéndez Pelayo (UIMP) na conferencia inaugural do curso “Dende o badal ao clic”, que estase a desenvolver ata o vindeiro sábado en Gondomar. “Sucede que a sociedade xa non o necesita”, engadiu. A intervención de Barreiro Rivas centrouse na crise do modelo rural tradicional e os seus imaxinarios sociais até o baleiro de estratexias alternativas na que se atopa, ao seu entender, o país nestes intres.
Informamos que quedan as últimas prazas para anotarse no curso “Dende o badal ao clic”, unha proposta académica da Universidad Internacional Ménendez Pelayo (UIMP) co obxectivo de preparar a profesionais, estudantes e público en xeral, ante os desafíos que presentan as novas transformacións que está a sufrir o medio rural en Galicia. O curso se desenvolverá os días 6,7 e 8 de setembro na Aula de Cultura Ponte de Rosas (sede do Instituto de Estudos Miñoranos), en Gondomar e o prazo de inscrición vence o vindeiro martes 4 de setembro.
Unha audición dirixida polo especialista Manuel López Benito congregará unha escolma de pezas creadas polos grandes mestres da música clásica no Patio de Armas do Pazo do Conde de Gondomar. A actividade organizada polo IEM en colaboración coa iniciativa Escenarios Musicales e o Concello de Gondomar, terá lugar este luns 13 de agosto ás 20.30. Entrada gratuíta.
O Instituto de Estudos Miñoranos convida a interesados a inscribirse no IX Curso de Verán de Extensión Universitaria “Crise vs Creatividade: os desafíos do audiovisual galego”, a desenvolverse no concello de Celanova, os vindeiros días 18, 19 e 20 de Xullo. O curso está dirixido a estudantes universitarios e tamén a calquera persoa interesada no mundo do cine. Cun total de 70 prazas, o prazo de inscrición vence o día 18 de xullo e os interesados deben dirixir a súa solicitude ao correo oficina@minhor.org .
O IEM organiza no vindeiro mes de setembro o Curso da Universidade Internacional Menéndez Pelayo: “Dende o badal ao clic. A construción das novas sociedades rurais galegas”. O mesmo terá lugar os días 6-8 de Setembro de 2012, na Aula de Cultura Ponte de Rosas. Os interesados en inscribirse se deben comunicar ao teléfono 986 360 575 (18 a 22 horas) ou a través dos correos electrónicos: oficina@mihor.org / direccion@minhor.org .
Amigas e amigos do IEM. Como tódolos anos, Iniciativa Galega pola Memoria organiza o Homenaxe ás vítimas do franquismo na Illa de San Simón. Acto no que participa e colabora o IEM e que este ano terá lugar o vindeiro domingo 15 de xullo. Necesitamos que todos aqueles que teñan intención de participar comuníquennolo aos efectos de facer as previsións de cotas para o barco que nos trasladará á illa.