Entre as xornadas do 30 de xuño e 1 de xullo do 2015, o barrio de Fontes na parroquia de Santa Mariña de Baíña (Baiona), ven de perder o seu emblema: a palmeira de Don Marcelino Ante.
A palmeira formaba parte do fermoso xardín que o indiano Don Marcelino Ante Rodríguez fixera ante a súa casa natal a comezos do século pasado, restando deste a día de hoxe tan só un vello camelio que resiste ao paso dos anos como pode.
Seguro que hai algúen en Bouzas que aínda lembra aquel 24 de xaneiro de 1931. Eran as tres e media da madrugada cando saíron dous vaporiños pesqueiros do potente porto de Bouzas cara o sur. Xa pola Illa se vía un fumazo que se convertiu en neboeiro vasto cara a Silleiro. Primeiro saíra o ABC e detrás o compañeiro Rosita, ámbolos dous propiedade dos armadores Alfonso Castiñeira e Pedro Sanguas. Eran parella, os barcos, que andaban á pescada e á pescadilla.
Hai datas cunha memoria especial, significativa, marcada a ferro nas persoas e nos pobos. Hai tamén lugares coas mesmas características. A mistura de datas e lugares valórana pobos e persoas de maneira subxectiva.
O rapás botou horas agarrado ó pau cunha lanterna na man. Ou faltáronlle as forzas ou veu unha vaga máis alta e máis forte que as anteriores e guindou con el. Foi o último tripulante con vida do Aslaug. Non sabemos cantos viñan a bordo.
Garda civil e mozos de troula por Baiona ollaron dende o Balneario como as bengalas de auxilio alumeaban aquela noiteboa. Avisado foi o axudante de marina Joaquín Seixo que mobilizou o encargado da caseta da Sociedade de Salvamento de Náufragos, Belarmino Carneiro e o patrón e armador Policarpo Vilar que mandou prender a caldeira do Clotilde Fernández acompañado do seu fillo Pepe, José Nartallo, Joaquín Pazo e Manuel Xesteira.
