Organizada polo IEM coa colaboración do concello de Gondomar. “Camiñando por Mañufe. Toponimia, historia e patrimonio”
Información A próxima semana teremos as seguintes xeiras: O mércores 10 de agosto, “Ouro, estrelas e lobos pola Serra da Groba. Pinzás. Tomiño”. A saída será dende a igrexa de Pinzás ás 19:30 horas e acompañarannos os especialistas Xosé Lois …
Aínda quedan prazas para participar na Xeira Nocturna en barco polo mar de Baiona e Nigrán. A vindeira xeira do IEM en barco por Baiona e Nigrán contará coa presenza do noso guía Xosé Lois Vilar. O punto de encontro …
Xa iniciadas as xeiras do IEM para este verán, lembramos que a vindeira semana terán lugar: O mércores 13 de xullo “ Camiñando por Borreiros. Toponimia, historia e patrimonio” que terá como punto de encontro A capela da Xunqueira ás …
O Instituto de Estudos Miñoranos en conxunto co Concello de Tomiño organizan este venres 17 de xullo unha visita guiada ao ecoparque arqueolóxico de Monte Tetón na parroquia de Tebra. A mesma dará comezo ás 20 horas e terá como guía ao arqueólogo Xosé Lois Vilar. As prazas son limitadas, polo que os interesados deberán anotarse gratuitamente de luns a xoves de 18:30 a 21:30 horas ao teléfono 986360575.
Na mañá deste venres deu comezo a Xeira Alén Miñor, que guiará o arquitecto Antonio Soliño por terras de Zamora e Valladolid. Os trinta participantes desta primeira aventura fóra do territorio miñorano, gozarán dun programa deseñado para conciliar o ocio cultural cunha boa e recreativa xeira gastronómica con especialidades dos distintos lugares a visitar. Até o domingo participarán destas actividades cuxo programa, elaborado por Soliño, compartimos a continuación.
Os nosos muíños hoxe son maioritariamente dos chamados de herdeiros, isto é, de propiedade comunal e que se usaban por todos os veciños seguindo unhas quendas establecidas por unha persoa encargada, unha especie de pedáneo que regulaba o uso dos muíños e das augas das presas. Polo tanto, cada veciño facía de muiñeiro/a cando lle tocaba a quenda e moía o seu gran.
A igrexa parroquial de Santa Mariña de Vincios é uns dos grandes monumentos históricos que se poden atopar no antigo coto de Vincios, hoxe parroquia do Concello de Gondomar. A súa historia está vencellada á dos propios habitantes desta chan miñorana, e a persoeiros como Xoan I de Castela, Paio Sorrede de Soutomaior e Diego Sarmiento de Acuña (conde de Gondomar). Esta xoia patrimonial será visitada o vindeiro mércores 29 de agosto, nunha nova Xeira do IEM.
{youtube width=”250″ height=”200″}1xXKQyRRk_I{/youtube}
Fóra de toda previsión, a visita nocturna para visitar os petróglifos de Tourón congregou a máis de 300 persoas chegadas de distintos puntos de Galicia. Autobuses de estudantes, grupos da adultos maiores, rapaciños, e xente de tódalas idades achegáronse sobre as 22 horas ao Centro de Interpretación Arqueolóxica do Tourón, para escoitar unha presentación do arqueólogo Xosé Lois Vilar (IEM) sobre “Escenas de caza na arte rupestre galega”. Inmediatamente despois, os asistentes subiron cara ao monte para visitar os petróglifos guiados polo equipo de xeiras do IEM.
{youtube width=”250″ height=”200″}ZhTKXg65IL4{/youtube}
Nin a choiva nin a néboa impediron a visita nocturna ao Eco Parque do Monte Tetón o pasado venres. A Xeira comezou sobre as 22 horas na Casa do Consello de Tomiño cunha charla sobre arte Paleolítico a cargo de Eduardo Méndez, director da Sección Arqueolóxica do IEM. Sobre as 23 un grupo dunhas 30 persoas participou dunha percorrida guiada polo propio Eduardo a través dos petróglifos do Tetón. Arte abstracta e figurativa, muíños fixos , coviñas, e outras figuras que compoñen un dos paneis de arte rupestre máis grande do sur galego foron amosadas e contextualizadas polo guía.