Pepe Cáccamo nunha nova presentación de Cántico dos topónimos esdrúxulos

O Ateneo de Pontevedra presenta o libro de poemas Cántico dos topónimos esdrúxulos, de Xosé María Álvarez Cáccamo, publicado por Espiral Marior e xa presentado no Val Miñor o pasado 10 de setembro de 2010 no IEM. O libro ten unha edición limitada de 100 exemplares con ilustracións do autor.
No acto, que terá lugar o vindeiro xoves 17 de febreiro, ás 20 horas, no Auditorio da Fundación Caixa Galicia Pontevedra (edificio Café Moderno), estarán xunto ao autor, Xosé Lois Vilar (historiador, arqueólogo e froiteiro, membro do Instituto de Estudos Miñoranos) e Miguel Anxo Fernán-Vello (poeta e director de Edicións Espiral Maior).
O acto rematará coa interpretación dalgúns poemas musicados do libro, a cargo de Santiago Ferragud (voz, guitarra), Marlene Rodrigues (voz) e Isaac Garabatos (guitarra), integrantes do proxecto Xardín Desordenado.