X Encontro de embarcacións Tradicionais en Carril
A vila mariñeira de Carril (Vilagarcía de Arousa), será a sede do X Encontro de Embarcacións Tradicionais de Galicia que se desenvolverá entre o 30 de xuño e o 3 de xullo de 2011.
O IEM a través da súa Sección Marítima estará presente no devandito evento organizado pola Federación Galega pola Cultura Marítima e Fluvial(FGCMF), da que forma parte o Instituto de Estudos Miñoranos.
Dende o IEM facemos un chamamento a participar nesta importantísima iniciativa e achegamosvos o programa de actividades e a información do lugar onde comer. Animadevos xa que é a forma de poder facer fronte aos gastos desta actividade ante o recorte das axudas que fixeron algunhas administracións.. A carpa estará instalada no peirao de Carril no posto da Federación tiranse os billetes para comer.
A ianuguración e o xoves 30 e ese día xa se pode cear na carpa da organización
Comer no X Encontro.
Cada comida ou cea costará 6 euros. Haberá ademais dous bonos, un de 10 euros que cubrirá a cea e comida das xornadas previas en Vilaxoán, e outro de 30 euros que cubrirá as seis comidas e ceas do Encontro en Carril.
