A Comunidade de Montes de Vincios estrea o proxecto dixital Cartografías Sensibles.

Cartografías Sensibles leva por nome o portal deseñado pola Comunidade de Montes de Vincios co obxectivo de defender e por en valor o patrimonio desta parroquia do concello de Gondomar e da Serra do Galiñeiro. Trátase dunha achega virtual a unha realidade territorial rica e complexa a través de mapas que nos fan descubrir historias, topónimos, muíños, covas, penedos, xacementos arqueolóxicos, lendas, músicas e tantos outros elementos que configuran a identidade deste lugar.

A Comunidade de Montes de Vincios leva anos promovendo a multifuncionalidade dun espazo vivo, con infinidade de posibilidades tanto produtivas como ambientais ou de lecer. Unha contorna especial na que conviven os usos dos recursos naturais coa paixón pola natureza en todas as súas formas e actividades, así como coa conservación das tradicións, dos valores naturais e do patrimonio cultural.

Para visitar o portal Cartografías Sensibles, preme aquí