A marcha contra o Microchip convocou máis de medio millar de persoas en Vigo.

Trescentas persoas a cabalo e outras tantas a pé participaron da marcha reivindicativa pola defensa dos cabalos do monte, e contra o decreto equino da Xunta de Galicia que obriga a colocación de microchips nos cabalos salvaxes en detrimento das marcas tradicionais. Castrelos  (Vigo) recibiu sobre as 11 de mañá aos xinetes e cabalos provenientes  d’ O Rosal, a Serra da Groba, a Serra do Galiñeiro, Oia, Tomiño e diversos puntos de Vigo. Ao medio día a manifestación alcanzou a Praza España onde foi lido o seguinte manifesto:

{jathumbnail off}

POLA DEFENSA DO NOSO PATRIMONIO NATURAL E CULTURAL

NON AO DECRETO EQUINO DA XUNTA DE GALICIA

NON AO MICROCHIP NOS CABALOS SALVAXES

Un modelo sustentábel que permita a supervivencia das tradicións, o mantemento da raza dos nosos cabalos salvaxes e o control das responsabilidades que se puidesen dar, perante a creación dun regulamento que obrigue a ter aos cabalos salvaxes identificados coas marcas tradicionais, rexistrados nun libro oficial e das asociacións e cun seguro de responsabilidade que cubra os accidentes e incidentes que se puidesen dar.

No Val Miñor levamos anos facendo os curros e organizados por asociacións que controlan e se responsabilizan dos cabalos das súas respectivas zonas, e estamos dispostos a mellorar o que teñamos que mellorar e a manter unha tradición que é  moi nosa e que non podemos deixar que se perda.

A Xunta quérenos impoñer un modelo que non vai a solucionar os problemas, amparándose na hipotética obrigatoriedade das leiseuropeas que , hai uns días quedou demostrado que era mentira ao resolver a U.E. unha denuncia presentada pola Asociacións de Propietarios de Cabalos Salvaxes do monte de A Groba, na que se di claramente que a Xunta ten potestade para facer as excepcións que estime oportuno cos cabalos salvaxes e regular a súa identificación cos marcas tradicionais, si así o quixera.

Non queremos privilexios nin que nos regalen nada. Só queremos manter un patrimonio que é de todos os galegos, para que as xeracións futuras poidan seguir a conservalo e gozalo coas súas festas e beneficios ecolóxicos, tal cal o fixeron os nosos antepasados que foron quen de mantelo ata os nosos días.

NON AO MICROCHIP, SI ÁS MARCAS TRADICIONAIS

POR UN REGULAMENTO QUE PERMITA A PERVIVENCIA DOS CABALOS SALVAXES E AS FESTAS DOS CURROS E AS RAPAS.

Asociación de Propietarios de Cabalos do Monte de A Groba

{youtube}qUK2y5-4huY{/youtube}