Ante a suspensión do curro d’A Valga.

O noso compañeiro e membro da Xunta de Goberno do IEM, Xilberte Manso deixounos esta reflexión na web de SOS Groba, a partir da triste suspensión do curro d’A Valga o pasado domingo 13 de maio de 2012.
“Onte non houbo curro na Valga pero si unha protesta de xente comprometida cunha tradición, que está disposta a non deixala morrer sen loitar.
Que é o que quere ou pretende a Xunta de Galicia?
Unha sociedade que paga os seus recibos polos seguros individuais, e o colectivo das asociacións, que ten a tódolos animais marcados e controlados, que cumpre con tódolos requisitos que a UE pide e que nunca se negou a pór a disposición de quen o solicitase os seus libros de rexistro de animais e propietarios… que máis pode facer para poder seguir facendo o que sempre fixo: marcar os animais, desparasitalos e controlalos para que non se produzan accidentes ou incidentes non desexados.
A Xunta di que hai que pórlle un microchip para telos controlados. Quen vai ler ese microcip se o animal entra nunha propiedade, fai unha desfeita e logo fuxe?
Coa marca tradicional, sempre visíbel, pódese controlar sen tocarlle e pedir responsabilidades á asociación e/ou o dono particular, que por zonas controlan e rexen a vida destes animais tan importante para o noso monte e o noso patrimonio cultural e natural.
Por favor Xunta de Galicia, sentidiño e diálogo xa!!”