CONFERENCIA: 37 anos de experiencia en custodia do territorio; Ridimoas

ORGANIZA Verdeval, Iniciativa ambiental de custodia da tomada do Galiñeiro

Recibimos e publicamos da organización amiga Verdeval

Iniciativa

A Serra do Galiñeiro sofre numerosas actuacións altamente impactantes que a ameazan, impulsadas por un anceio de desenvolvemento mal entendido que ignora a trascendencia das súas actuacións. É por iso que Verdeval considera que acustodia do territorio é unha ferramenta útil dado que permite implicar á sociedade na conservación da natureza e dun xeito activo.

Un grupo de persoas demos o primeiro paso do proxecto VERDEVAL que ten como obxectivo dispor dunha superficie na que efectuar un uso, ou mesmo explotación do monte, diferente ó monocultivo de piñeiros e eucaliptos.

Proposta de adquisición de terreo

A primeira actividade é buscar a participación social para a adquisición dun terreo privado no Galiñeiro que está en venda, unha tomada, para dotala dun plan de actuación que permita un aproveitamento sustentable e distinto do actual, que podería ser ofrecido como lugar de visita aos centro educativos, crear un espazo de interpretación ambiental para mostrar os distintos valores que posúe a serra. Para acceder, e xestionar mediante custodia compartida, a tomada da Serra do Galiñeiro proponse a creación dunha fundación, ou outra figura asociativa que máis conveña.

Conferencia

Na liña se sensibilizar e explicar iniciativas que xa veñen rodando en Galicia, o vindeiro venres día 21 de marzo Verdeval organiza unha conferencia, as 20:30 h na Aula de Cultura Ponte de Rosas do Instituto de Estudos Miñoranos en Gondomar. Será impartida por David García, vicepresidente da Asociación cultural-ecolóxica RIDIMOAS, Ribadavia, Ourense, baixo o título “37 anos de experiencia en custodia do territorio: Ridimoas”. Na mesma exporá como e por que nace a custodia do territorio en Beade, Ourense, os obxectivos, a xestión e o funcionamento. Así mesmo intervirá Antón García de Verdeval para explicar a iniciativa de custodia do Galiñeiro.

NECESITAMOS PERSOAS PARA TRANSFORMAR, Únete a nosa iniciativa.

fundacionverdeval@gmail.com

Cada día somos máis as persoas que nos unimos a esta iniciativa.