O CEIP Chano Piñeiro visita a mostra Labirintos e participa dun obradoiro arqueolóxico no IEM.

Este martes 22 de outubro a mostra Labirintos de Manolo Ledo foi visitada por medio centenar de alumnos do CEIP Chano Piñeiro de Gondomar, acompañados dos seu profesores. Os cativos tamén participaron dun obradoiro arqueolóxico ofrecido polo autor da mostra, así como dunha charla sobre arte rupestre co arqueólogo e subdirector do IEM, Xosé Lois Vilar.

Durante o obradoiro, participaron na práctica de tallado de pedras, a obtención de lume por varios métodos, así como o pintado de mans a través do pulverizado (método Venturi). A charla de arte rupestre versou sobre petróglifos en xeral e gravados de escenas de caza en particular.

{youtube}q1yos_Q9HS0&feature{/youtube}

Previamente realizaron unha visita pola Aula de Cultura Ponte de Rosas onde están expostos os calcos e pinturas “Labirintos” que se está a exhibir no local ata o vindeiro 8 de novembro.

{youtube}LJiZi00AE1s{/youtube}