Para cazolear con estilo: Receitas para todos os días, de Raquel Vergara.

Cociñar, tarefa ardua á vez que gozosa esixe un espírito creativo que non sempre conta coa axuda das musas inspiradoras. A veciña e profesora miñorá, Raquel Vergara, achéganos unha deliciosa páxina dixital onde podemos atopar, case de xeito diario, receitas que iluminan o xantar cotián. A través de Receitas para todos os días, libéranos do estrés que enfrontamos á hora de definir “que comemos hoxe?”.
Máis dun centenar de xeitosos entrantes, salsas, petiscos e por suposto pratos principais así como de sobremesa, aniñan xa neste blog creado pola autora en outubro de 2012. Acompaña cadansúa ficha con imaxes e vídeos que nos facilita as consultas e preparacións, engadindo consellos e ligazóns de moita utilidade.
Entón, a partir de agora sobran as escusas á hora de cazolear. Si fallan as ideas: preme aquí.