Sinatura do convenio entre o Club Marítimo Marisma da Ramallosa e o IEM.

Tras varios anos de colaboración en diversas actividades entre o Club Marítimo Marisma da Ramallosa (CMMR) e o Instituto de Estudos Miñoranos (IEM), a directiva do Club e a Xunta de Goberno do IEM acordaron a integración das dúas asociacións, polo que a partir do convenio que se asinará o próximo lúns, 20 de decembro, ás 20:30h na Aula de Cultura “Ponte de Rosas”, sede do Instituto de Estudos Miñoranos, o CMMR pasará a constituírse como sección Marítimo-Fluvial do Instituto de Estudos Miñoranos.

Como se sinala no convenio que se asinará o lúns: En función da súa natureza e obxectivos, ambas entidades coinciden en desempeñar un papel de importancia en fomentar a conservación e respecto polo patrimonio miñorán, así como o coñecemento e o estudo do medio mariño en xeral, a través de actividades de investigación, divulgación e calquera outra que favoreza o mantemento e conservación das nosas costas e mares, como un ben económico e cultural.
Ao remate do acto tomaremos uns copos e uns petiscos para celebrar este acordo de suma importancia para as actividades de recuperación e defensa do patrimonio marítimo e fluvial do Val Miñor ao que estades convidados todos/as os/as socios/as e amigos/as do IEM e do CMMR