Exposición de fotografías No Grande Azul de José Romay (xullo e agosto de 2010) no IEM.

No acto inaugural ademais do autor estará tamén presente o director do Museo do Mar, Pablo Carrera, que promoveu a realización desta exposición, resultado dun dos proxectos considerados estratéxicos polo Museo do Mar de Galicia.

Estamos a falar , da creación e posta en marcha das Bolsas de Creación Fotográfica “O Mar” en colaboración co Centro de Estudos Fotográficos, preténdese promover novos talentos en creación fotográfica partindo dun proxecto previo, necesariamente novidoso, que fixa uns obxectivos que mediante o traballo de campo fotográfico plasmaranse nunha exposición. Difundir, en definitiva, unha visión persoal sobre unha temática mariña concreta.

A primeira bolsa foi concedida a José Romay quen desenvolveu un proxecto baseado na pesca de altura e litoral en Galicia. Para elo, logo de recabar información, embarcou nun barco do Gran Sol, noutro de ardora e nun galeón bateeiro. Unha experiencia pioneira para el, que logo de establecer a confianza e conivencia necesaria, plasmouse nos encadres que amosa nesta mostra titulada No Grande Azul.

A exposición permanecerá aberta na sede do Instituto de Estudos Miñoranos durante os meses de xullo e agosto de 2010, en horario de 19h. a 21h. de luns a venres.

Tras o acto inaugural compartirase uns copos de viño.

Links de interés: No Grande Azul Galicia Hoxe