{youtube width=”250″ height=”200″}pZKsnPhOUvg{/youtube}
Cando as nubes acarician as alturas da Serra da Groba o aire deixa unha pegada particular nos camiñantes que se deciden a percorrer esta xoia do patrimonio natural do Val Miñor. Un animado grupo de participantes da Xeira do IEM puideron experimentarllo e ao mesmo tempo gozar das exclusivas vistas que dende Belesar á Chan da Lebre podemos apreciar cara o Val.
O equipo de xeiras do IEM anuncia unha nova visita nocturna ao Monte Tetón dentro do calendario de Arte Rupestre “Alén Miñor”,do verán 2011. A saída será o vindeiro venres 22 de xullo ás 22:00 horas e o punto de encontro será na Casa do Concello de Tomiño.
• Mércores, 20 de xullo de 2011
{youtube width=”250″ height=”200″}InRC6B12bDc{/youtube}
Aprendemos que a Serra do Galiñeiro contén moito máis que pedras, fentos e piñeiros. Que a tradición aínda cabalga nos poldros ceibes e os curros multitudinarios. Contemplamos o Val Miñor dende a altitude, e coñecemos algúns dos seu topónimos e do perigo de esquecerllos. Falamos de beleza e o valor histórico do patrimonio que agocha a serra, tamén do seu posible destino como parque eólico. Miramos cómo se facían os machados líticos hai centos de miles de anos e percorremos o monte ata chegar a Pedra das Procesións, o maior escudo de armas gravado nun petróglifo que leva no rocha entre 6 e 4 mil anos. Unha nova xeira do IEM na que participaron como guías Eduardo Méndez, Xilberte Manso e Xosé Lois Vilar e que invita á reflexións, ao gozo e a seguir participando destas andaínas.
O vindeiro mércores 13 terá lugar a saída nocturna para visitar os petróglifos de Auga da Laxe, na parroquia de Vincios, Gondomar. Dentro dese complexo de arte rupestre teremos a posibilidade de observar a “Pedra das Procesións”, un dos paneis da arte rupestre galega máis importantes. A mesma contén unhas trinta representacións de armas que comprenden alabardas, puñais, espadas e escutiformes nunha superficie inclinada de 10 x 5 metros, o máis grande dos coñecidos no continente europeo.
{youtube width=”250″ height=”200″}ZhTKXg65IL4{/youtube}
Nin a choiva nin a néboa impediron a visita nocturna ao Eco Parque do Monte Tetón o pasado venres. A Xeira comezou sobre as 22 horas na Casa do Consello de Tomiño cunha charla sobre arte Paleolítico a cargo de Eduardo Méndez, director da Sección Arqueolóxica do IEM. Sobre as 23 un grupo dunhas 30 persoas participou dunha percorrida guiada polo propio Eduardo a través dos petróglifos do Tetón. Arte abstracta e figurativa, muíños fixos , coviñas, e outras figuras que compoñen un dos paneis de arte rupestre máis grande do sur galego foron amosadas e contextualizadas polo guía.
A visita nocturna ao Monte Tetón será a primeira das Xeiras de Arte Rupestre “Alén Miñor”, organizada polo IEM no verán 2011. A saída será o vindeiro venres 8 de xullo ás 22:00 dende a Casa do Concello de Tomiño.
{youtube width=”250″ height=”200″}CdKgO1s_MV8{/youtube}
Estamos aínda chegando. O corpo pide repouso é a roupa cheira a fentos e toxos. O equipo das Xeira do IEM acaba de rematar a súa primeira andaína que levou a decenas de persoas polas terras de Prado en Morgadáns (Gondomar) ata o Galiñeiro. A tarde acompañou deixando mirar a paisaxe en todo o seu esplendor. A riqueza natural, cultural, etnográfica e arqueolóxica deste anaco do Val Miñor novamente amosou a súa xenerosidade e riqueza, abraiando aos camiñantes que contaron coa guía do director das Xeiras do IEM, Xosé Ramón García e do director da Sección Arqueolóxica, Eduardo Méndez.
O Instituto de Estudos Miñoranos en colaboración co concello de Tomiño organiza unha serie de Xeiras de Arte Rupestre “Alén Miñor”. Os mesmos serán dirixidos polos arqueólogos Xose Lois Vilar e mais Eduardo Méndez, da Sección Arqueolóxica do IEM.
Xeiras Arte Rupestre Verán 2011 alén miñor