O próximo xoves 26 de agosto ás 22h. na Praza do Centro de Saúde de Gondomar remata o ciclo de cinema documental GONDOMARDOCUMENTA coa proxección do filme de Lukas Santiago Galeg@s universais.Historias do mar
Deixamos un avance do filme da próxima semana, do ciclo Gondomar Documenta: Galeg@s universais. Historias do Mar. Unha película documental do pontevedrés Lukas Santiago. A proxección será o xoves 26 de agosto ás 22h. na Praza do Centro de Saúde de Gondomar.
Unha viaxe ás fronteiras do norte de Portugal e Galicia transportanos ao noso pasado máis recente: o contrabando local e a emigración clandestina. En tempos de represión, con gobernos ditatoriais, un grande número de portugueses emigrou para Francia cruzando as dúas fronteiras ilegalmente.
“Pedroso é unha aldea de Ourense habitada por vellos, como en todo o rural do interior de Galicia. En Pedroso, onde o futuro e os mozos son pura anécdota, están todos ilusionados coa súa maior obra comunitaria: un tanatorio. Ao igual ca noutros moitos lugares da súa contorna, péchase escolas e abren tanatorios. Se non se pon remedio, neles axiña haberá que preguntar: Queda alguén aí? O tanatorio de pedroso levou case dous anos rematado pero sen estrear, porque –como dicían os veciños- despois de que estaba listo non aparecían voluntarios”. Continua o ciclo GONDOMARDOCUMENTA, organizado polo IEM e ACHEGO coa colaboración do Cancello de Gondomar. O próximo martes, 10 de agosto, ás 22h. na Praza do Centro de Saúde de Gondomar, proxectarase o documental de Rafael Cid Queda alguén aí?. Achegamos cartel e folla coa ficha técnica e a mellor sinopse posible que fixo o mesmo director neste artigo da Voz de Galicia.
Cando os directores José Ballesta e Manxo Fernández decidiron rodar Naipe de Sangue (unha mediametraxe de ficción) como parte do documental M.L. Estefanía. Galicia, máis Oeste que nunca (en fase de producción), atoparon na Serra do Galiñeiro o lugar ideal para galeguizar a mítica Serra de Sonora no Far West norteamericano.
Achegamos a carteleira de filmes que ímos proxectar durante o ciclo de cine GONDOMAR DOCUMENTA.