Lamentablemente o pasado mércores 7 de agosto non se puideron ver as estrelas polas nubes baixas, pero si “cazar o lobo” e falar de como os nosos devanceiros se enterraban nas mámoas, a toponimia e historia da serra da Groba. Cento oitenta e sete persoas non lle tiveron medo as ameazas de choiva e frío e acompañáronnos nunha nova xeira polos tesouros culturais da serra da Groba.
Xeira que comeza co punto de encontro ás 22 h. do mércores 11 de agosto na Chan da Lagoa, no concello de Baiona. Hai que subir pola estrada da Virxe da Roca. Despois de xuntarnos todos, continuaremos en coche ata a Cruz de Pao, uns 11 km. Pica aquí para ver o mapa. Agora toca andar e ver o campo de mámoas antes de chegar ao Foxo Pedriño para escenificar a captura do lobo. Co lobo xa no foxo, metaforicamente falando, tocaralle a quenda as estrelas.