{youtube width=”200″ height=”160″}tqvo5c8coaE{/youtube}
O material paleolítico parece manar do chan do terreo O Cabrón no concello de Arbo. Logo da visita do Dr. Manuel Santonja, o equipo da Sección de Arqueoloxía do IEM continuou onte coas escavacións na terraza principal do depósito.
{youtube width=”200″ height=”160″}keTMCM4Dh-Y{/youtube}
O arqueólogo Dr. Manuel Santonja Gómez opinou que o xacemento O Cabrón será “un hito” do coñecemento do Paleolítico Inferior en Galicia e o Norte da Península Ibérica. O experto visitou onte a escavación acompañado polo director do IEM Carlos Méixome, o director do proxecto, o arqueólogo Xosé Lois Vilar (IEM), o director dos traballo de campo Eduardo Méndez Quintas (IEM), e parte do equipo de traballo da Sección de Arqueoloxía.
{youtube width=”200″ height=”160″}SWNb_kl2DlM{/youtube}
Onte pola maña, o ruído das pas e picos batendo contra a terra anunciou o inicio da segunda fase dos traballos arqueolóxicos nas viñas de O Cabrón, no municipio de Arbo. O obxectivo da xornada era avanzar na primeira terraza escavada e no segundo rectángulo da sondaxe ata aproximarse aos estratos onde se atoparon as primeiras pezas.
O noso compañeiro Eduardo Méndez Quintas realizará unha charla, mañá mércores 15 de setembro, para os alumnos do CEIP Carlos Casares e o CEIP Humberto Juanes do Concello de Nigrán, sobre o tema ” A prehistoria en Galicia e no Val do Miñor”. Eduardo Méndez Quintas é o director da sección de Arqueoloxía e Etnografía do IEM e ten nestes momentos baixo a súa responsabilidade os traballos de campo do Xacemento do Paleolítico Inferior en O Cabrón, Concello de Arbo
Nos traballos de hoxe no xacemento de O Cabrón (Concello de Arbo), do Paleolítico Inferior, atopáronse novas pezas.
As escavacións no xacemento de O Cabrón, Concello de Arbo, achegaron ata o de agora máis de noventa pezas atopadas nunha área de nove metros cadrados. Entre os obxectos cóntanse núcleos, lascas de cuarcita de diferentes tamaños, así como bifaces en perfecto estado de conservación.
O Departamento de Arqueoloxía do Instituto de Estudos Miñoranos comeza mañá as escavacións en O Cabrón, Concello de Arbo. O depósito contén un tesouro arqueolóxico de 150.000 anos que moi probablemente permitirá acceder aos restos tal cal o deixaron aqueles antigos habitantes de Galicia, dada as condicións xeolóxicas da zona.