“Petroglifos” a serie de fotografías do equipo das Xeiras do IEM abrirá mañá o II Encontro de Fotografía Dixital Domingo Pío Quintas Núñez. As mesmas serán proxectadas sobre o edificio da Praza de Abastos de Gondomar baixo o pseudónimo “Xaxara”, a partir das 22 horas e no sistema bucle-musicalizado, ata a media noite.
O vindeiro venres 1 de xullo a partir das 22 horas comezas as exhibicións ao aire libre da mostra fotográfica do II Encontro de Fotografía Dixital Domingo Pío Quintas Núñez por diversos espazos e edificios da vila de Gondomar. O evento, organizado pola Concellería de Cultura de Gondomar e apoiado polo IEM, constará da proxeccións de 16 series fotográficas sobre a superficie do edificio da Praza de Abastos, no Centro de Saúde e os parques da Colleira e das Ánimas.
Hoxe ás 20:30 na Aula de Cultura Ponte de Rosas (Avda. da Feira 10, baixo, Gondomar) inaugurárase a exposición “PASEANDO” do fotógrafo BRUNHEIRA. A exposición permanecerá aberta ata o 30 de xullo e está enmarcada dentro dos 2º Encontros de Fotografía Dixital DOMINGO PÍO QUINTAS NÚÑEZ 2011 organizado pola Concellería de Cultura de Gondomar.