Este sábado 25 de outubro terán lugar os actos centrais da homenaxe ás vítimas do franquismo organizados no concello de Sober. Carlos Méixome Quinteiro, director do Instituto de Estudos Miñoranos, participará nunha mesa redonda sobre a represión en Galicia xunto co investigador Xurxo Ayán Villa. A mesma terá lugar a partir das 12:30 na Casa da Cultura de Sober. Os actos darán comezo media hora antes cunha sesión extraordinaria do pleno onde terá lugar unha declaración institucional do Concello de Sober en homenaxe ás vítimas. A actividade pechará cun acto cultural.