A conselleira do Mar, Rosa Quintana inaugurou hoxe X Encontro de Embarcacións Tradicionais de Galicia, que se celebra en Carril, Vilagarcía, dende hoxe ata o 3 de xullo. No acto tamén participaron a directora xeral de Comercio, Nava Castro, e a xerente da Fundación Centro Galego da Artesanía e do Deseño, Elena Fabeiro. O Encontro está organizado pola Federación Galega pola Cultura Marítima e Fluvial (FGCMF), da que forma parte o Instituto de Estudos Miñoranos.
A Federación Galega pola Cultura Marítima e Fluvial informa que xa arribaron as primeiras dornas que participarán no X Encontro de Embarcacións Tradicionais Galegas, no que participa o IEM a través da súa Sección Marítima. Por outra banda, este mércores 29 inaugurouse a exposición Berros no roncar das ondas ás 19:00 h na rúa do Carmo. Esta exposición consiste en imaxes do fotógrafo Xacobe Meléndrez Fassbender que ilustran fragmentos da poesía de Bernardino Graña, un dos poetas do mar galego máis salientable.
A vila mariñeira de Carril (Vilagarcía de Arousa), será a sede do X Encontro de Embarcacións Tradicionais de Galicia que se desenvolverá entre o 30 de xuño e o 3 de xullo de 2011.
A vila mariñeira de Carril, pertencente ao concello de Vilagarcía de Arousa (Pontevedra), será a sede do X Encontro de Embarcacións Tradicionais de Galicia que se desenvolverá do 30 de xuño ao 3 de xullo de 2011. O IEM a través da súa Sección Marítima estará presente no devandito evento organizado pola Federación Galega pola Cultura Marítima e Fluvial (FGCMF), da que forma parte.