A ex Colexiata de Baiona, un dos monumentos senlleiros da arquitectura relixiosa no Val Miñor será o destino da vindeira Xeira do IEM. A mesma terá lugar o vindeiro mércores 28 de agosto ás 18 horas, con punto de encontro …
A fregresía de San Sadurniño de Amoedo (Pazos de Borbén), agocha un conxunto arqueolóxico integrado por 22 mámoas e próximo a 60 petróglifos, a maioría deles representativos da arte rupestre abstracta. O pasado venres 23 de agosto, o IEM xunto coa Comunidade de Montes de Amoedo organizou unha xeira divulgativa deste patrimonio co título “Amoedo. Lenda en Pedra”, na que participaron 180 veciños da parroquia e contorna. A actividade enmarcouse nun proxecto de posta en valor patrimonial do monte que está a desenvolver esta veciñanza que entre outras iniciativas, prevé a estruturación dunha ruta arqueolóxica e etnográfica.
Un cura que a puro olfacto podían distinguir os corpos de náufragos fieis ou herexes; o roubo dun mascarón de proa coa talla dunha muller núa que rematou nunha igrexa como a Virxe do Carme; estas foron algunhas das historias que compartiu Quico Cadaval, durante a II Xeira Marítima do IEM, celebrada o pasado 20 de agosto.
O vindeiro venres 23 de agosto terá lugar unha visita guiada polas mámoas e petróglifos de Amoedo (Pazos de Borbén). O punto de encontro será ás 21:30 horas no Centro Cultural de Amoedo. A saída, organizada polo IEM e a Comunidade de Montes de Amoedo, estará guiada polo arqueólogo Xosé Lois Vilar.
Este mércores 14 de agosto de 2013, terá lugar unha ruta por Monteferro, no marco das Xeiras do IEM. O punto de encontro será no aparcamento de Patos, a carón da Residencia de Tempo Libre (preme aquí para ver o mapa), ás 18 horas. Coa guía do arqueólogo Xosé Lois Vilar e o botánico Xosé Ramón García, percorreremos “un mar de nomes, muíños e petróglifos” localizados na devandita península do concello de Nigrán.
O vindeiro martes 20 de agosto terá lugar unha nova Xeira Marítima do IEM pola costa do Val Miñor, na que contaremos coa participación de dous coñecidos persoeiros: o arqueólogo Xosé Lois Vilar e o actor e contacontos Quico Cadaval. Ambos os dous serán os encargados de achegarnos as historias, contos e lendas que nacen destas ribeiras e a nosa ría, especialmente as relacionadas aos naufraxios que dende tempos remotos tiveron lugar na bisbarra. O punto de encontro será no porto de Baiona ás 20 horas e a participación está suxeita a unha inscrición previa.
Este venres 9 de agosto terá lugar unha nova Xeira de arte rupestre no Ecoparque Arqueolóxico Monte Tetón, situado na parroquia de Tebra (Tomiño). A actividade dará comezo ás 22:30 horas na casa do Concello de Tomiño, onde terá lugar un coloquio sobre petróglifos a cargo do subdirector do Instituto de Estudos Miñoranos, o arqueólogo Xosé Lois Vilar.
Este mércores 31de xullo terá lugar unha nova Xeira do Verán 2013 cunha visita guiada polas terras da parroquia gondomareña de Peitieiros. O punto de encontro será na sede do IEM (Aula de Cultura Ponte de Rosas, Avda. da Feira, Nº10, baixo, Gondomar), ás 17:30 horas.
Este venres 19 de xullo terá lugar a Xeira de arte rupestre no Ecoparque Arqueolóxico Monte Tetón, situado na parroquia de Tebra (Tomiño). A actividade dará comezo ás 22:30 horas na casa do Concello de Tomiño, onde terá lugar un coloquio sobre petróglifos a cargo do subdirector do Instituto de Estudos Miñoranos, o arqueólogo Xosé Lois Vilar.
Este mércores 10 de xullo terá lugar a primeira Xeira do Verán 2013 cunha visita guiada polas minas de ouro da Serra da Groba. O punto de encontro será na sede do IEM (Aula de Cultura Ponte de Rosas, Avda. da Feira, Nº10, baixo, Gondomar), ás 17:30 horas. No percorrido imos ollar unha explotación aurífera romana: Os Buracos dos Mouros, e outras máis. Coñeceremos de primeira man a riqueza toponímica da serra, así como a biodiversidade que habita o enclave. Por certo, non fallarán referencias ás historias e lendas recollidas ao longo de séculos nestas terras do Miñor xunto coa contemplación das fermosas paisaxes da Groba e bisbarra que permiten os cumios da serra.
No apps configured. Please contact your administrator.