TERTULIA do IEM: A mediación familiar medra como instituto xurídico e social alternativo ao proceso xudicial.

-Contén vídeo completo da TERTULIA do IEM coa profesora Esther González Pillado.

O instituto xurídico da mediación como alternativa á resolución de conflitos a través do proceso xudicial está a dar os seus primeiros pasos en Vigo. Unha ducia de casos resoltos no servizo de Mediación Familiar é o resultado das primeiras semanas deste servizo que asume -a iniciativa do xuíz e por vontade das partes- o desafío de espallar na sociedade galega unha fórmula presentada como máis duradera e barata de atopar acordos. A profesora e titular do devandito servizo, Esther González Pillado, falounos deste instituto dende a súa experiencia no servizo na pasada TERTULIA do IEM, desenvolvida na Aula de Cultura Ponte de Rosas o venres 11 de xaneiro de 2013.

Se ben este servizo só actúa por derivación dun xulgado, González Pillado anotou que a Xunta de Galicia conta cunha lista de mediadores que a través dunha subvención, permite ás persoas que así o queira, acollerse a este instituto no eido extraxudicial, para resolver conflitos de parella ou familiares de forma gratuíta.
Co xeito de aportar o noso pequeno gran de area neste obxectivo espallador, compartimos o vídeo completo da TERTULIA celebrada baixo o título A Mediación Familiar, no marco da tempada 2012-2013.

{youtube}s0zSQRSB2rM{/youtube}