O medallista olímpico Francisco Javier Gómez Noya abre a 11ª tempada das TERTULIAS do IEM.

Francisco Javier Gómez Noya, medalla de prata nos Xogos Olímpicos de Londres 2012, abrirá a nova tempada das TERTULIAS do IEM, o vindeiro venres 9 de novembro. O faladoiro comezará ás 20:30 horas na Aula de Cultura Ponte de Rosas. Na oportunidade estará acompañado por Francisco Villanueva González, presidente da Federación Galega de Triatlón. Os convidados serán presentados por Marta Souto, do Servizo de Normalización do Concello de Vigo e ex Directora Xeral de Deportes.
Como é tradición, despois do acto aberto ao público en xeral haberá unha cea coas persoas convidadas que terá lugar no Pazo da Escola de Mañufe (Gondomar) á que se poderá asistir facendo a correspondente reserva de praza antes do xoves 8 de novembro ás 21 horas, no teléfono 986 360 575 ou no 680 644 490 ou ben no correo electrónico oficina@minhor.org