O mundo mariño pecha as TERTULIA do IEM 2014/2015 coa visita do profesor Victoriano Urgorri

O vindeiro venres 8 de maio péchase o ciclo de TERTULIAS 2014-2015 coa visita do profesor Victoriano Urgorri, esperto no eido da zooloxía mariña e a oceanografía. O faladoiro dará comezo ás 20:30 horas na Aula de Cultura Ponte de Rosas e contará coa presentación do biólogo mariño e membro do IEM, Alfredo López “Tokio”. Trala celebración da TERTULIA compartirase unha cea co invitado no Pazo da Escola en Mañufe.
Victoriano Urgorri Carrasco, (Cabana-Ferrol, 1951) é un científico galego, profesor de zooloxía mariña na Universidade de Santiago de Compostela. Participou en 19 expedicións científicas en Irlanda, Ceuta, Antártica, Portugal, Concas Abisais de O Cabo, Angola e Guinea e fondos profundos de Galicia. É autor de diversas publicacións entre as que pode destacar 6 libros e 119 artigos en revistas científicas nacionais e internacionais.
Cea: Para asistir á cea con Victoriano Urgorri tralo faladoiro débese reservar praza no teléfono 986 360 575 ou ben no correo electrónico direccion@ minhor.org . Pregamos facelo antes do vindeiro xoves pola noite.
Traxectoria de Victoriano Urgorri
Licenciado en Ciencias (Sección de Biolóxicas) en xullo de 1974 pola Universidade de Santiago de Compostela, graduándose en outubro do mesmo ano e doutorándose en xuño de 1981 tamén na USC. É catedrático de zooloxía mariña no departamento de Zooloxía e Antropoloxía Física da Facultade de Bioloxía da Universidade de Santiago de Compostela.
Pertence a varias sociedades científicas, como a Real Sociedad Española de Historia Natural, Sociedad Española de Malacología, Area de Ciencias Biolóxicas do Seminario de Estudos Galegos, Malacological Society of London, Societá Malacologica Italiana, California Malacozoological Society e Unitas Malacologica.

Vídeo

A marea negra do Prestige do accidente (13-11-2002) á sentenza 13-11-2013.

{youtube}Nevt_icHnGU{/youtube}

Responsabilidides.
-Subdirector/Vicedirector do Museo de Historia Natural “Luis Iglesias” da Universidade de Santiago de Compostela, desde 1982.
-Director da Estación de Bioloxía Mariña da Graña (Ferrol) da Universidade de Santiago de Compostela, desde 2001.
-Membro da Comisión de Coordinación Científica sobre actuacións de I+D contra vertidos mariños accidentais, en representación da Universidade de Santiago de Compostela. Programa de Intervención Científica en I+D para a Acción Estratéxica contra Vertidos Mariños (MCyT), desde 2003 ata 2007.
-Coordinador do Grupo de Investigación GI-2107 Oceanografía e Limnoloxía da Universidade de Santiago de Compostela, desde 2005.
-Membro en representación da Dirección Xeral de Investigación, Desenvolvemento e Innovación da Consellería de Innovación e Industria da Xunta de Galicia, na Comisión de Coordinación e Seguimento das Actividades dos Buques Oceanográficos (COCSABO), desde 2007 ata 2010.
-Presidente da Comisión Técnica do buque oceanográfico Sarmiento de Gamboa. Dirección Xeral de I+D+i da Xunta de Galicia, desde 2007.
-Membro do Equipo de Goberno do Campus do Mar, en representación da Universidade de Santiago de Compostela, ao cargo da Dirección da Area de Proxección Social e Cultura Científica do Campus de Excelencia Internacional Campus do Mar, desde 2011.
-Director da Unidade de Biodiversidade e Recursos Mariños do Instituto de Acuicultura da Universidade de Santiago de Compostela.
-Participou en múltiples proxectos de investigación. Foi membro do comité organizador de varios congresos nacionais e internacionais e presentou comunicacións en outros congresos. Estadías en centros de investigación estranxeiros. e participou en moitas expedicións científicas. Impartiu cursos e seminarios.
Actividade docente
-Profesor de Zooloxía Mariña na Licenciatura de Bioloxía na Facultade de Bioloxía
-Profesor de Biodiversidade de Animais Mariños no Máster Biodiversidade e Conservación do Medio Natural
-Profesor de Biodiversidade de Fondos Mariños: O bentos profundo no Máster Biodiversidade e Conservación do Medio Natural
-Profesor de Biodiversidade Animal no Máster Medio Ambiente e Recursos Naturais

Vídeo

Viaxe á Galicia profunda: A vida nos abismos oceánicos

{youtube}mbhzGhpf-lE{/youtube}  

Publicacións
-URGORRI, V. & BESTEIRO, C. (1988). Inventario Dos Equinodermos De Galicia (echinodermata). ISBN 978-84-7492-367-4.
-URGORRI, V. [et AL.] (1994). Seminario bioloxía molecular e biomedicina. ISBN 978-84-7492-708-5.
-URGORRI, V. [et AL.] (2008). Metodología para la recolección, conservación y estudio de los Moluscos Solenogastros. ISBN 84-398-3926-X.
-URGORRI, V. & SEÑARÍS, M.P. [Coordinadores] (2012). Recursos en I+D+i dedicados ao estudo dos efectos da vertedura do Prestige (2003-08). Avaliación e xuízo crítico. ISBN 978-84-92923-39-7.
-20 capítulos ou fascículos en obras colectivas:
-URGORRI, V. [et AL.] (2007). Mares de Finisterrae. ISBN 978-84-9785-400-9.
-URGORRI, V. [et AL.] (2007). Voz Natura, diez años de compromiso medioambiental. ISBN 978-84-9757-236-1.
-30 máis entre limiares, presentacións, publicacións audiovisuais e artigos de divulgación.
-119 artigos en revistas científicas nacionais e internacionais.