O tema de crise económica abre a décima tempada consecutiva das TERTULIAS do IEM.

Por décimo ano consecutivo comeza o ciclo  de TERTULIAS do Instituto de Estudos Miñoranos. Comezará o ciclo coa presenza de Ramón Yañez Brage que desenvolver unha charla que leva por título  “Crise de demanda, crise financeira, crise de débeda, crise industrial…..¡crise sistémica!” O noso convidado será presentado polo membro da Xunta de Goberno do IEM  Xosé García Crego. Como é costume o faladoiro terá lugar na sede do IEM,  Aula de Cultura “Ponte de Rosas” (Avda. da Feira, 10, baixo, Gondomar), o vindeiro venres 4 de novembro ás 20:30 horas.

Ramón Yáñez Brage é Enxeñeiro Técnico Naval e Doutor en Ciencias Económicas. Traballou en ASTANO ata 1985 e despois na División de Construcción Naval do INI. En 1993 incorpórase como profesor á Universidade da Coruña no Departamento de Economía Aplicada e dende o ano 2000 no departamento de Enxeñería Naval e Oceánica no que desenvolveu  o seu traballo como investigador principal.

Ten publicado as obras: As relacións banca-industria en Galiza. Edicións Laiovento. 2000.Racionamento de crédito e estrutura financeira das empresas. Servizo de Publicacións da UDC. 2001. A política industrial do sistema financeiro galego. Evolución durante o proceso de converxencia coa Unión Europea. Servizo de Publicacións da Universidade de Vigo. 2001.

Tamén ten publicado numeroso artigos sobre o mundo da empresa e a evolución do sector naval en multitude de revistas e libros colectivos e como profesor en diversos mestrados en universidades galegas e latinoamericanas

Como é tradicional, despois do acto aberto ao público en xeral haberá unha cea coa persoa convidada que terá lugar no Pazo da Escola de Mañufe Gondomar á que se poderá asistir facendo a correspondente reserva de praza no teléfono 986 360 575 ou no  680 644 4 90 ou ben no correo electrónico direccion@minhor.org

O Ciclo de TERTULIAS.

Como é costume os faladoiros terán lugar preferentemente o primeiro venres de cada mes, dende novembro ata xuño, e comezarán ás 20:30h. Terán lugar na sede do Instituto de Estudos Miñoranos, sita na Aula de Cultura “Ponte de Rosas” (Avda. da Feira, 10, baixo, Gondomar).