O Xornalista Xosé Manuel Pereiro Sánchez remata o ciclo 2010-2011 das Tertulias do IEM.

Remata o ciclo de Tertulias 2010-11 do Instituto de Estudos Miñoranos. Para poñerlle o ramo a esta novena edición das Tertulias estará con nós, o próximo venres 3 de xuño o xornalista, XOSÉ MANUEL PEREIRO SÁNCHEZ que será presentado pola tamén xornalista  Rita Alonso Pérez (TVE).

O faladoiro dará comezo ás 20:30h. na Aula de Cultura Ponte de Rosas (Avda. da Feira 10, Baixo, Gondomar). Ao remate haberá, como é costume, unha cea co noso convidado que terá lugar no Pazo da Escola de Mañufe, para asistir á mesma é necesario facer reserva polo que os/as interesados/as podedes facelo chamando ao  986 360 575 (polas tardes) ou no 680 644 490.

XOSÉ MANUEL PEREIRO SÁNCHEZ

Licenciouse en Ciencias da Información na Universidade Complutense de Madrid, onde fundou, xunto a Antón Patiño, Manuel Rivas e o seu irmán  Lois Pereiro (a quen se dedicou a edición 2001 das Letras Galegas), a revista Loia.
Traballou como redactor ou colaborador en prensa escrita (Faro de Vigo, La Voz de Galicia) e radio (Ondas Galicia, Radio Nacional).
Director e guionista de programas de televisión (en TVE e TVG), promoveu tamén proxectos culturais como as revistas La Naval ou Bravú ou o portal de internet Bravu.net.
Foi redactor de TVE en Galicia desde 1988 a 2008, e desde 1985 correspondente de El País. Na actualidade é tamén columnista neste periódico e en La Opinión de A Coruña e Faro de Vigo, así como en medios dixitais.
Ten publicado un libro de textos periodísticos, Si home si (Edicións Xerais de Galicia).  Actualmente é o decano do Colexio Profesional de Xornalistas de Galicia.