TERTULIA do IEM con Xosé Lois González “O Carrabuxo”.

O próximo venres 11 de marzo terá lugar a TERTULIA do IEM con Xosé Lois González, “O Carrabouxo”. O noso convidado será presentado polo profesor e escritor Alfonso Álvarez Cáccamo. Como sabedes o faladoiro dará comezo ás 20:30h. na Aula de Cultura Ponte de Rosas (Avda. da Feira 10, Baixo, Gondomar). Ao remate do faladoiro haberá como de costume unha cea co noso convidado que terá lugar no Pazo da Escola de Mañufe, para asistir á mesma é necesario facer reserva polo que os/as interesados/as podedes facelo en resposta a este correo ou ben no 986 360 575 (polas tardes) ou no 680 644 490.
Perfil de XOSÉ LOIS GONZÁLEZ, “O CARRABOUXO”
Ourense, 1949
Titulado en Enxeñería Técnica de Telecomunicacións, foi funcionario do Corpo de Xestión de Sistemas e Informática da Administración do Estado no Ministerio de Industria, Turismo e Comercio co cárrego de Xefe Provincial de Telecomunicacións en Ourense ate que se xubilou en 2009.. Anteriormente foi profesor de Matemáticas, Debuxo Industrial e Tecnoloxía nas Escolas de Mestría Industrial de Ourense e Pontevedra, Xefe dos Servizos Técnicos de Telégrafos en Ourense e Pontevedra e Xefe de Obras e Instalacións de Correos e Telégrafos de Ourense.
Foi membro da Directiva da AGRUPACIÓN CULTURAL AURIENSE durante 23 anos e Presidente 14 É humorista gráfico, realizando as súas colaboracións regulares nos xornais La Región de Ourense e Atlántico Diario de Vigo con viñetas do personaxe “O CARRABOUXO” que tamén é o seudónimo do autor, e que foi levado á animación por Lhosca Arias, producindo 26 squetchs, e no semanario “A NOSA TERRA”. Tamén colabora coa revistas Retranca, Revista Galega do Ensino e Tempos Novos.
Realiza con frecuencia conferencias sobre o humor e o idioma galegos e ten realizado numerosos pregóns de festas e outras actividades, con contidos relacionados coa idiosincrasia e cultura galegas. Asimesmo realiza intervencións cómicas en forma de monólogos en actos diversos. Interveu na Radio Galega coa personaxe cómico DON COLONIO CARCACIQUE, co que reivindicaba o idioma e a cultura galegos.Ten realizado numerosísimas exposicións das súas viñetas en Galiza e na Emigración.
Publicou os seguintes libros de Humor Gráfico:
– ANO E PÌCO DE CARRABOUXOS
– CATROCENTOS CARRABOUXOS MAIS
– CARRABOUXOS A ESGALLA-1
– CARRABOUXOS A ESGALLA-2
– CARRABOUXOS-90
– 20 ANOS DE CARRABOUXO
– VEÑA CARRABOUXO
(Publicados pola Deputación de Ourense)
– A SABELIÑA
– 318 CHISTES DE XOSE LOIS
-NOVOS CHISTES DE XOSE LOIS
(Publicados por “A NOSA TERRA”)
– HUMOR GRAFICO.XOSE LOIS NA TRANSICIÓN
(Publicado po-la Universidade de Vigo)
Ten recibido os seguintes recoñecementos:
– Premio Popular de Populares COPE Ourense
– Primeiro Cigarrón de Honor do Entroido de Verín
– Premio GALICIA de Xornalismo (Xunta de Galiza)
– Premio Revista FOLLAS SECAS
– Premio de Xornalismo XOSE AURELIO CARRACEDO
– CURUXA DE HONRA do Museo do Humor de Fene.
– MEDALLA DE PRATA da FEDERACION DE ASOCIACIONS GALEGAS EN ALEMANIA.
– PREMIO GALICIA DE COMUNICACION
– MEDALLA CASTELAO