Máis de 150 persoas participaron na xeira nocturna polo Monte Tetón.

{youtube width=”250″ height=”200″}yJwFTsj4Yl4{/youtube}

Máis de 150 persoas participaron da visita nocturna ao Eco Parque do Monte Tetón (concello de Tomiño) o pasado venres 22 de xullo . A Xeira comezou sobre as 22 horas na Casa do Consello de Tomiño cunha charla sobre arte Paleolítico a cargo de Eduardo Méndez, director da Sección Arqueolóxica do IEM. Sobre as 23 o grupo comezou a percorrida guiada polo propio Eduardo a través dos petróglifos do Tetón. Arte abstracta e figurativa, muíños fixos , coviñas, e outras figuras que compoñen un dos paneis de arte rupestre máis grande do sur galego foron amosadas e contextualizadas polo guía.
A semana que ven, en colaboración con “O Sorriso de Daniel” visitaremos os puntos mais interesantes do Románico do Val Miñor. Por razóns de comodidade esta Xeira contará cun autobús, para o que será preciso anotarse previamente no noso teléfono, 986360575, en horario de 18,00-22,00, ou por correo electrónico ( oficina@minhor.org ), ata o martes 26 de xullo. O prezo deste bus é de 5 €.
Detalles

• Mércores, 27 de xullo de 2011
• Hora: 18,00
• Saída do local do IEM (Aula de Cultura Ponte de Rosas, Avda da Feira, 10. Gondomar)
• Guía: Margarita Vázquez Corbal

{youtube}yJwFTsj4Yl4{/youtube}