O encanto da Serra da Groba encheu de maxia e misterio a Noite de estrelas e Lobos.

{rokbox title=|Noite de estrelas e lobos| thumb=|images/stories/videos_capas/noite-estrelas-e-lobos.jpg| size=|854 505| album=|demo|}http://www.youtube.com/watch?v=itLOqrebt_4 {/rokbox}

Centos de persoas gozaron do entorno máxico e misterioso que achega unha visita nocturna á Serra da Groba. Próximo ás 300 foi o número de persoas que a través dos guías do IEM e da Agrupación Astronómica Rías Baixas, achegáronse aos tesouros arqueolóxicos, etnográficos, toponímicos e astronómicos que agocha este enclave natural emblemático do Val Miñor.
O experto etnográfico Xilberte Manso dirixiu unha inesquecible dramatización da caza do lobo, no Foxo de Pedriño, lugar onde hai séculos, os veciños da zona a practicaban. Nesta ocasión, foron os visitantes os que tiveron a oportunidade de participar da aventura. O arqueólogo e historiador Xosé Lois Vilar fixo un percorrido pola riqueza arqueolóxica que testemuña a pasaxe da vida humana dende a prehistoria ata o presente na Serra, as súas diversas apropiacións e adaptacións, así como a riqueza toponímica e talsonímica que o correr do tempo deixou na zona.
A visita rematou entrada a madrugada cunha fermosa observación do ceo nocturno que dirixiu o experto Gustavo Sanromán a que foi apoiada polo instrumental e orientación dos astrónomos da Agrupación Astronómica Rías Baixas.