Un gran marco de público acompañou a Xeira do IEM pola Estrada Real a Baiona.

Máis de dous centos de persoas asistiron a xeira pola antiga Estrada Real, ou camiño vello a Baiona, que guiaron os compañeiros do IEM Antonio Soliño, Anxo Rodriguez Lemos e Carlos Méixome. Pontes, cruceiros, casas, prazas e pazos, fontes, camiño e historia cargados de anécdotas con singulares protagonistas que deixaron as súas pegadas nunha paisaxe que vai mudando ao longo do tempo, as veces non con moi bo xeito.
Aprendemos cousas vellas que para moitos son novas, e tamén fixamos a vista en detalles que ata onte eran un punto na paisaxe sen máis, e que a partires de agora serán fitos da nosa historia con nomes e apelidos ou con personalidade propia.

Para rematar, a poesía de Ludovico Ariosto e o seu poema épico Orlando furioso, coa historia da bela Sabela, veciña de Baiona e a súa historia de amor, recitado na versión galega do noso compañeiro Miguel Anxo Mouriño na fermosa voz de Carmen Penin de 2 na fronteira.