Xeiras 2010

Pica aquí e visita o blog cos programas e crónicas das Xeiras  2010.

Como xa é tradicional o Instituto de Estudos Miñoranos organiza todos os veráns este ano, no que celebramos o noso décimo aniversario, por noveno ano consecutivo- unha serie de visitas-guiadas ou Xeiras a distintos lugares de especial interese histórico, artístico, natural e paisaxístico do Val de Miñor.
Trátase de pequenos percorridos a realizar polas tardes ou ao anoitecer dirixidos por especialistas no tema da visita.

Este verán preparamos xeiras con dúas diferentes tipoloxías. Ofrecemos, xunto as máis clásicas Xeiras de rutas de senderismo por diferentes lugares do noso contorno, saídas ao anoitecer coa intención de estudar no seu mellor momento unha óptima observación da variada tipoloxía de petróglifos que aparecen no noso contorno.

Outra das saídas atende de maneira interdisciplinar á existencia na serra da Groba de vellos Foxos de lobos, de uso tradicional durante séculos. Relacionaremos esta saída (o 11 de agosto) coa observación do firmamento.
O programa está pechado (ver documento que se adxunta) e conta coa colaboración de diversas institucións.