De Prado ao Galiñeiro será a primeira xeira do IEM na tempada do verán 2011.

De Prado ao Galiñeiro será a primeira das xeiras da tempada do verán 2011, organizada polo Instituto de Estudos Miñoranos. A saída será o vindeiro mércores 6 de xullo ás 17:30 dende a sede do IEM, na Aula de Cultura Ponte de Rosas (Avda. da Feira, nº 10 Baixo, Gondomar).
Xosé Ramón García e mais Eduardo Méndez serán os guías neses 5 km de percorrido onde terase a posibilidade de gozar da fermosa paisaxe da Serra do Galiñeiro, e atopar a riqueza ecolóxica, arqueolóxica e patrimonial que agocha esa zona do Val Miñor.
A actividade é para todo público e totalmente gratuíta. Recoméndase ter a precaución de levar auga para beber e calzado apropiado para a travesía.