Geolodía: Excursión xeolóxica pola Foz da Ramallosa .

A SGE (Sociedad Geológica de España) xunto co AEPECT (Asociación Española para la Enseñanza de las Ciencias de la Tierra) levarán adiante o Geolodía. Esta é unha iniciativa de divulgación da Xeoloxía que terá lugar en todas as provincias do Estado o vindeiro día 8 de maio.
Consiste nunha excursión no campo, aproximadamente 1h 30 m de duración, guiada por equipos de xeólogos (no noso caso, profesores da Universidade de Vigo). Para a provincia de Pontevedra terá lugar na Foz da Ramallosa. Aínda que a actividade é pública as prazas están limitadas, e o prazo de solicitude ábrese o 25 de abril.
Dada a participación do IEM existen un número de reservas que deberá ser cuberto antes da citada data. Por iso pregamosche que de ter interese en participar na actividade, te poñas en contacto co IEM (986 360 575, Álvaro) entre as 18h e as 22h, antes do día 20 de abril, ou no e-mail oficina@minhor.org .