Visita aos petróglifos de Cotobade e conferencia sobre Arte Rupestre en Galicia.

O equipo de arqueólogos e das xeiras do Instituto de Estudos Miñoranos trasladaranse este venres 30 de setembro ao concello de Cotobade, onde guiarán unha percorrida pola arte rupestre na parroquia de San Xurxo de Sacos. O punto de encontro será ás 20:30 na Casa do Pobo de San Xurxo de Sacos onde o especialista Xosé Lois Vilar (IEM) dirixirá un coloquio sobre “Arte Rupestre en Galicia”. Posteriormente o equipo de xeiras trasladará aos visitantes ata os lugares de observación. O evento é totalmente gratuíto.

Detalles da xeira polos Petróglifos de San Xurxo de Sacos (Cotobade)

•             Venres 30 de setembro de 2011

•             Hora: 20,30

•             Saída da Casa do Pobo de San Xurxo de Sacos

•             Guía: Xosé Lois Vilar

A percorrida inclúe os petróglifos Do Lombo, Da Costa, Da Portela da Cruz e A Laxe do Cuco. A actividade é para todo público e totalmente gratuíta. Recoméndase ter a precaución de levar auga para beber, lanternas, abrigo e calzado apropiado para a travesía. E para ir “facendo boca” achegamos o vídeo coas imaxes da visita no verán do 2010.

{youtube}c0lo1IHlmfU{/youtube}