Xeira do IEM pola parroquia de Peitieiros

Este mércores 31de xullo terá lugar unha nova Xeira do Verán 2013 cunha visita guiada polas terras da parroquia gondomareña de Peitieiros. O punto de encontro será na sede do IEM (Aula de Cultura Ponte de Rosas, Avda. da Feira, Nº10, baixo, Gondomar), ás 17:30 horas.
No percorrido imos ollar unha serie de edificios de interese como os pazos de Troncoso, e o de Piñeiro, o conxunto de muíños hidráulicos da Serra, o conxunto arqueolóxico O Palame, así como diversas construcións relixiosas e puntos de interese ambiental. Nesta Xeira contaremos coa guía dos especialistas do IEM, Antonio Soliño Troncoso (arquitecto) e Alfredo López (biólogo).
Para participar da mesma só hai que estar no punto de encontro, con roupas e calzado cómodos e levar auga e algún alimento para repor forzas. Lembrade que para manter estas e as demais actividades do IEM precisamos sobre todo da vosa presenza pero tamén da vosa colaboración e axuda, que pode ser dende facerse socio, mercar un libro ou unhas postais. Para iso no punto de encontro contaremos cunha mesa coas nosas publicacións, uns xeitosos gorros para utilizar na xeira e fichas para facerse socio.
Preme aquí para descargar o folleto informativo da Xeira